هي شغله وبدي أحكيها والكم حريه قبولها أو رفضها...
مابهمني شوعملت بحياتك, إن شاء الله كنت اول واحد بلط المريخ وإن شاء الله كنت فاتح الاندلس او مخترع الذره وحيات الله مابهمني بعدين مع هاي الاشكال النافخه مناخيرها على ولااشي .
منشان الله بلاش شوفت الحال على الفاضي ,اللي بجلط بكون الواحد عامل شغله بعد ميت واسطه ولا ميت دفشه واحتمال كبير مايكون اهل الها وانا عند كلامي!!
ولا اقلك ياسيدي عملتها لحالك بدون واسطه ومساعده بس لاتحمل أهلي جميله وتتكبر,انا هاي الناس والله كلها على بعضها مابشوفها وبتنزل من عيني كتير, هي "بيل غيتس" شوفو تواضعو ولااوباما رئيس اعظم دوله في العالم ولاليش نبعد الرسول عليه السلام كان في قمه التواضع !
"من تواضع لله رفعه " وتزكرو "لايدخل الجنه من كان في قلبه ذرة كبر",مدراء اعظم شركات في العالم وفي قمة التواضع والله لو تكبرو شوي بحكي بحقلهم عملو اشي اما انت او انتي عملتو شغله ملاين عملوها,,
مختصر مفيد اسلوبك بحدد كل اشي وتعاملك الراقي بدل على نجاحك ان شاء الله كنت نجار او مدير مدرسة صغير او حتى مدرس بس انسان عندك اسلوب ومحترم رح تكون بعين الكتير وانا اولهم شخص ناجح ويستحق الاحترام أحسن من كتير كتير!!
انا اهلي عمرهم ماربوني احترم الناس على طبقاتهم ,انابنت دكتور وكان باكتر من مستشفى مدير طبي وبعمري والله ماشوفت حالي بابوي وكتير من صاحباتي لماكنت بالمدرسه كان ينصدمو ,بس المعلمه تسالني: شوبشتغل ابوكي؟؟!
انا ابوي علمني التواضع مع الناس لما كنت اشوفه بقعد مع العمال واحيانا باكل معهم ,وكان دايما يحكي بنفس الكاسه اللي بنشرب منها بنشربهم منها .
وامي كانت دايما تتعامل بانسانيه مش طبيعه مع اي عامله كانت تيجي على البيت لدرجه احيانا كنت الومها على تعاطفها الزائد معهم !!
فلذلك مابلومهم كتير لانو الحق على اهلهم اللي ربو فيهم عقدت النقص هاي !!
#مقصوده_والباقي_على_الله.
ليست هناك تعليقات:
إرسال تعليق
شكراً لك سيتم نشر تعليقك قريباً بعد الموافقة علية .